--Ads--
BAGUIO CITY – Pakabuklan a P111,600,000 ti gatadna a marijuana products ti dinadael dagiti otoridad iti sumagmamano a paset ti Tinglayan, Kalinga ita nga aldaw, Hulyo 27.
Babaen iti nagtipon a pwersa dagiti nagduduma a yunit ti pulisya ken PDEA ket nadiskobre ti tallo a plantation sites a nakaimulaan ti P24-M ti gatadna a fully grown marijuana plants sadiay Barangay Tulgao West Tinglayan.
Nadiskobre pay ti P87.6-M ti gatadna a marijuana iti dua a disso sadiay Barangay Loccong.
Amin dagiti iligal a mula ket inuram dagiti otoridad iti mismo a plantation sites.
Agtultuloy met ti imbestigasyon dagiti otoridad para iti pakabigbigan dagiti agtagikua kadagiti nasao a mula.
