P15 minimum fare, idagdagadag dagiti sumagmamano a transport group kagiddan ti panagngato ti presyo ti petrolyo

Idagdagadag dagiti sumagmamano a transport group ti kanayunan a P15 minimum fare iti Land Transportation Franchising and Regulatory Board (LTFRB) kagiddan ti panagngato ti presyo ti petrolyo.

Sigun iti Alliance of Transport Operators and Drivers Association of the Philippines (ALTODAP) nasken a manayunon ti P2 ti minimum fare agsipud ta ad-adda a ngumatngato ti presyo ti petrolyo.

Iti baet dayta, impetteng ni Land Transportation Franchising and Regulatory Board (LTFRB) spokesperson Celine Pialago, a kasapulan ti ad-adda a pannakaadal daytoy sakbay a maaprobaran.

Mailagip a ti agdama a minimum fare para kadagiti traditional jeepneys ket P13.