Indagadag ni Manila Rep. Bienvenido Abante Jr. dagiti Senador nga ilawlawagda ti P24 billion leadership fund a nailatang iti Senado manipud iti 2025 national budget.
Sigun kenni Abante, kasapulan a masukimat a nasayaat no anya ti kaipapanan ti nasao a leadership fund.
Innayon ti opisial a kasapulan metlaeng a maamuan no kaano a naiyam-ammo daytoy, ti panggepna para iti publiko, ania nga ahensia ti nangipatungpal ken dadduma pay.
Kabayatanna, inaklon ni Abante a naamuanna laeng ti maipapan iti Senate leadership fund kalpasan nga imbutaktak ni sigud a Department of Public Works and Highways (DPWH) Secretary Manuel Bonoan iti panagdengngeg ti Sandiganbayan seknan iti plunder ken graft case kontra kenni sigud a Sen. Ramon Revilla Jr. idi Mierkules, Agosto 12, 2026.
