--Ads--
BENGUET- Balligi a pinarut ken inuram dagiti otoridad ti agarup P240,000.00 a balor ti fully grown marijuana idiay Sitio Aluling, Tacadang, Kibungan, Benguet kalpasan ti insayangkat dagitoy a marijuana eradication itay kanikadua.
Naresulta ti operasyon iti panakdiskubre ti maysa a 150 square meters a marijuana plantasyon a namulaan ti 1, 200 a pidaso ti fully grown marijuana iti nasao a lugar.
Dagus met a pinarut ken inuram dagiti otoridad ti marijuana plants iti isu metlaeng a lugar kalpasan ti dokumentasyon dagiti nagtipun a pwersa ti Kibungan Municipal Police Station ken dadduma pay a maseknan nga otoridad.
