--Ads--
Balligi a pinarut ken inuram dagiti otoridad ti agarup P250,000 a gatad ti Marijuana idiay Sitio Degway, Poblacion, Kibungan, Benguet.
Daytoy ket babaen iti agtultuloy nga operasyon ken panagregget dagiti otoridad partikular ti Kibungan Municipal Police Station, ken Philippine Drug Enforcement Agency para iti nasayaat nga aglawlaw.
Nagresulta ti nasao nga operasyon iti pannakadiskubre ti maysa a communal forest a namulaan iti 1,250 a pidaso ti Fully Grown Marijuana Plants.
Nupay kasta, awan ti natiliwan dagitoy a cultivator wenno nagmula.
Iti agdama, agtultuloy latta ti panagregget dagiti otoridad tapno magun-od ti natalna a Bagong Pilipinas.
