Manamnama a mailako ti nasurok 1000 a sako ti bagas intun sabado iti Agri- Tourism Fair Area kas paset iti manarimaan nga Adivay Festival 2024.
Mailako dagiti bagas iti P29 pesos tunggal kilo para kadagiti vulnerable sectors kas iti Seniors Citizen, Solo parents, Persons with Disabilities.
Mangrugi ti pannakailako dagiti bagas iti oras ti alas ocho iti agsapa para kadagiti vulnerable sectors.
Mangitugot laeng dagitoy kadagiti valid Identification Cards tapno kualipikadoda a makagun-od iti nasao a bagas.
Nupay kasta, mailakuan dagitoy iti agingga 10 kilos wenno masya a sako iti tunggal kualipikado nga indibidual.
Iti pannakiuman ti Bombo Radyo kenni Liza Jane Challikis, Operation Section Chief iti National Irrigation Administration Cordillera, kinunana a posible nga adu dagiti mailakuan iti P29 a bagas intun sumaruno a tawen gaputa napalawa dagiti namulaan iti pagay.//mp4
