BAGUIO CITY – Nakemmeg ti maysa a lalaki gapu iti panangibiahena iti P468-K a gatad dagiti marijuana paruar iti probinsia ti Kalinga idi kalman.
Nabigbig daytoy a ni Ronnel Macaburas Tacata, 38-anyos, tubo ti Tondo, Manila ken residente ti Santo Tomas, Ilocos Norte.
Maibasar iti report, nakaawat dagiti pulis iti impormasyon seknan iti maysa a nalabbaga a lugan nga addaan plaka nga NDD 8178 a naglaon ti kontrabando ken nagtaud sadiay Buscalan, Tinglayan, Kalinga.
Dagus met nga insayangkat dagiti otoridad nga agbambantay iti quarantine control point sadiay Bantay, Tabuk City, Kalinga ti interdiction operation a nagresulta iti panakakumpiskar ti siyam a tubular shaped a marijuana nga agdagsen ti agarup nsurok 3,900 grams.
Natiliw metlaeng ti driver ti lugan a ni Tacata ken iti agdama ket sumangsangon iti kaso a panaglabsing iti Republic Act 9165 wenno ti Comprehensive Dangerous Drugs Act of 2002.
