BAGUIO CITY- Narekober dagiti otoridad ti 8 a kilos ti marijuana bricks nga aggatad iti P960-K iti paset ti National Road wenno iti bisinidad ti maysa nga pribado a lote sadiay Sitio Balangabang, Dangoy, Lubuagan, Kalinga idi Marso 13, 2022.
Naamoan nga naikabil daytoy iti uneg ti blue nga plastic container sakbay nga inbati dagiti saan pay a nabigbig nga suspek.
Maibasar iti report, inyuman ti maysa nga residente kadagiti otoridad nga agwan-wanawan iti nasao nga disso ti nakitana nga blue plastic gallon a naglaon iti mapapati a marijuana bricks.
Dagus met a naiturong dagiti narekober a kontrabando iti Lubuagan MPS para iti umno a disposisyon dagitoy.
Agtultuloy met ti imbestigasyon dagiti otoridad para iti posible a pakabigbigan ken panakatiliw kadagiti suspek.
