Nagpirma ti pagilian a Pilipinas ken China iti katulagan a maw-awagan iti “Arrangement on Improving Philippines-China Maritime Communication Mechanisms”.
Maibasar iti nasao a katulagan, mangipaay daytoy iti sumagmamano a communication channels iti nagbaetan ti Pilipinas ken China maipapan kadagiti isyu ti baybay ken tapno maimanehar dagiti maritime emergencies ken dadduma pay.
Maipalagip nga immunan a kinuna dagiti maseknan nga opisial iti pagilian, a pinadasda a makisarita iti China babaen iti sigud a hotline iti nagbaetan ti pagilian ken China kalpasan iti panangipatulod ti Chinese Coast Guard iti water cannon iti maysa a bangka iti West Philippine Sea.
Nupay kasta, saan daytoy nga inkankano ti China.
Gapu iti dayta, naipasdek ti nasao government-to-government hotline dagiti dua a pagilian iti sidongda President Ferdinand Marcos Jr. ken Chinese President Xi Jinping.
