Nagpinnirma ti pagilian a Pilipinas ken Singapore iti memorandum of agreement (MOU) maipapan iti defense cooperation kagiddan ti panakarambak ti maikalima pulo ket lima a diplomatic relations dagitoy.
Da Philippines Defense Secretary Gilberto Teodoro Jr. ken Singapore Minister for Defence Dr Ng Eng He ti nagpirma iti memorandum nga agserbi kas framework iti interaksyon ken panakaital-o ti kooperasyon ti dua a pagilian iti military education ken anti-terrorism.
Ti memorandum of agreement (MOU) ket maipapan iti Training Assistance ken Support Activities on Humanitarian Assistance and Disaster Relief.
Malaksid iti partnership ti dua a pagilian, nagkinnari pay dagitoy a pagtalinaedenda ti friendly relation ken ti agtultuloy a kooperasyon dagitoy iti ASEAN Defense Ministers’ Meeting (ADMM).
Kabayatanna, ti nangkadua kenni Teodoro Jr. idiay Singapore ket da Chief of Staff of the Armed Forces of the Philippines General Romeo Brawner, Flag Officer-in-Command of the Philippine Navy Vice Admiral Toribio Adaci Jr. ken dagiti Senior Philippine defense official.
