Impakaammo ti foreign minister ti Iran a ni Foreign Minister Abbas Araghchi a sibibiyag pay laeng ti Supreme Leader ti pagilian a ni Supreme Leader Ayatollah Ali Khamenei.
Kalpasan daytoy iti mapapati a panang-atake iti lugar ti nasao a lider.
Sigun kenni Araghchi, amin nga high-ranking officials ket nabiyag iti tenga ti agtultuloy a panag-atake sadiay.
Innayonna nga iti agdama, awan pay laeng ti komunikasyonda iti Washington ngem kinunana a nu kayat ti Estados Unidos a makisarita kadakuada, interesado da met laeng tapno saanen a ngumato ti tensyon iti nagbaetan dagiti nasao a pagilian.
Maipalagip nga immunan a kinumpirmar ti maysa nga Israel senior official a ti target ti nasao a joint military operation ti Amerika ken Israel ket da Iranian Supreme Leader Ali Khamenei ken President Masoud Pezeshkian. //BomboKCS
