Nagbalaag ti Iranian Armed Forces, bumalesda kadagiti anyaman a panangatake kadagiti energy facilities dagitoy manipud kadagiti kaalyado ti Estados Unidos.
Sigun iti Al-Anbiya Central Headquarters ti militar, dagosda a bumales ken dagosda a dadaelen dagiti umatake kadakuada.
Impakaammo met ti nasao nga ahensiya a nagsublin iti normal ti operasyon iti Kharg Island kalpasan a pinuntirya daytoy ti Estados Unidos.
Sigun kenni Ehsan Jahaniyan, deputy governor ng Bushehr province, saan met laeng a naapektaran unay dagiti residente iti nasao a pasdek ken awan met laeng ti naireport a nadangran wenno pimmusay gapu iti panangatake.
Ti Kharg ket maysa a coral island nu sadino agserserbi daytoy kas primary terminal no sadino dumaldalan dagiti kaaduan nga oil exports iti nasao a pagilian.
Nu mapukaw daytoy, marigatan ti Iran iti military operation dagitoy. // Bombo Karen Sapirao
