Agsagsagana ti pamilya ni Yitshak Cohen nga iyawid ti bangkay daytoy idiay Israel kalpasan ti panakasarak ti bagi dagitoy iti gayemna a ni beauty queen Geneva Lopez idiay Tarlac.
Sigun iti kabsat ni Yitshak a ni Yaniv, mangnamnamada nga ita a lawas ket maiyawidda ti bangkayna iti pagilianda agsipud ta nalabsing ti tradisyon dagitoy kas Jewish, ti panakaitabon a dagus ti maysa nga indibidual nu daytoy ket pimmusayen.
“In the Jewish religion, when somebody dies, you need to bring him as soon, in the same night, in the same morning, you need to be buried as fast as possible. Basically into the earth”
Yaniv Cohen, brother of Yitshak Cohen
Iti agdama, adda ti bangkay ni Yitshak iti maysa a punirarya idiay Tarlac ken daytoy ket maiyakar idiay Pasay City sakbay a maiyawid daytoy idiay Israel.
Kabayatanna, maladingitan la unay ni Yaniv iti napasamak iti kabsatna nangruna ket “happy person” daytoy nga addaan iti naimbag a panagpuspuso.
“It’s very, very sad that he left us”
Yaniv Cohen, brother of Yitshak Cohen
Awan met ti maikomento wenno mensahe ni Yaniv kadagiti nangpapatay kadagiti aggayem gapu ta agingga ita ket saan pay laeng a nalawag ti pudno a napasamak.
Namnamaen met ni Yaniv a saan nga agsardeng dagiti otoridd ti pagilian iti panang-imbestiga iti napasamak tapno maipaay ti hustisya kadagitoy.
