Agladladingit ti pamilya ti maysa a government employee idiay Sitio Bawak, Dupligan, Tanudan, Kalinga kalpasan a nasarakan ti naiyanod a bangkay daytoy.
Ti biktima ket nabigbig a ni Bernardo Lingbawan agtawen iti lima pulo ket innem a residente iti nadakamat a lugar.
Sigun kenni PCapt. Ruff Manganip, pannakangiwat ti Kalinga Police Station, paturong iti trabahona ti biktima idi Setyembre 30, ngem gapu iti napigsa nga ayos ti danum iti Biga Creek ket isu ti maatap a nangitunda iti pannakaiyanodna.
Kinunana nga agpilpilay metlaeng ti biktima rason a saanna a nabaelan a naglasat iti nasao a creek.
Dagus met a nagreport dagiti kakabagyan daytoy idi saan a nagawid ti biktima rason a dagus a nagresponde dagiti otoridad no sadino ditoy a nabirukanda ti biktima a naiyanod idi Oktubre 1.
