BAGUIO CITY – Kukuestionaran dagiti strawberry farmers sadiay La Trinidad, Benguet ti pammilin ti Department of Public Works and Highways a bakanteanda dagiti pagmulmulaanda a daga tapno marugian ti flood mitigation.
Sigun kadagiti mannalon, saan a naikonsulta kadakuada ti nasao a panggep no sadino naklaatda laeng idi simmangpet ti heavy equipment ken construction materials.
Kinunada dagiti a maapektaranda iti panggep a konstruksion isu’t gapuna a tubngarenda daytoy nangruna ta awan ti napasamak a konsultasion iti nagbaetanda ken iti maseknan nga ahensia.
Impetteng dagitoy a no saan a masirut ti dua a partido ti nasao nga isyu ket idanonda iti korte.
Iti agdama ket kiniddaw dagiti stawberry farmers ti panakasuspendir ti proyekto ken ti panakaiyakar daytoy iti sabali a disso gaputa sigun kadakuada ket saan a daytoy ti mangrisut iti panaglayos a mapaspasaran iti panawen ti kalamidad.
