Nainget a bambantayan dagiti personnel ti Department of Human Settlements and Urban Development (DHSUD) ti Lamut, Ifugao ken Tabuk City, Kalinga kagiddan ti panagadu dagiti peke a realtors/real estate agent wenno brokers.
Gapu iti dayta, nairekomendar ti panakabukel ti Local Task Force para iti “Bantay Colorum” sadiay kasaruno metlaeng ti report ken reklamo nga adda dagiti peke a realtors/real estate agent wenno brokers.
Sigun kenni Antonette A. Anaban, Regional Director ti Department of Human Settlements and Urban Development (DHSUD) ti panagbalin a peke a realtors/real estate agent wenno brokers ket addaan iti pannusa ken mabalin pay a maibalud.
Kinunana a nainget metlaeng nga imonmonitor dagitoy babaen iti field wenno Desk Monitoring tapno mabantayan dagitoy iti social media.
Innayonna pay nga adda ti movement a nabukel para iti panakaipila dagiti kaso kontra kadagiti colorum wenno peke a realtors/real estate agent wenno brokers.
Kabayatanna, inyebkas ti Chamber of the Real Estate and Builders’ Associatio-Inc. a nu man awan ti statistics dagitoy wenno eksakto a datos no manu dagiti colorum iti Rehion Cordillera ngem impettengna nga adu dagitoy.
Kinunana a kadawyan a rason dagitoy ket gaputa saanda nga ammo nga adda ti linteg a mangregregulate iti awanan licensya nga agilako iti daga wenno lote.
Mailaksid iti dayta a rasonda ket manginaanda iti presyo ti panagala iti permit manipud iti Professional Regulation Commission (PRC).
Kagiddan dayta, impetteng ti Regional Director ti Director ti Department of Human Settlements and Urban Development (DHSUD) a maysa a trabaho dagiti taskforce ket mangisuro kadagiti colorums ken ti publiko nga agbalin nga aware kadagiti peke a real state agents.//Bombo Noveh Organo
