BAGUIO CITY – Impeksa dagiti senior citizens sadiay La Trinidad, Benguet ti nalaos a panagyamanda iti naipaay kadakuada a gundaway a maipangruna a mabakunaan ti aztrazeneca vaccine kaggidan iti panagrugi ti panakabakuna dagitoy.
Sigun kadakuada, nabayag nga inur-urayda a mabakunaan dagitoy para iti first dose ti bakuna kontra iti COVID-19.
Nagyamanda met iti lokal a gobyerno ti La Trinidad iti napartak a proseso ken nagbalin nga istilo ti panagpabakuna sadiay.
Naamuan a mabakunaan inton July 27 para iti second dose dagiti senior citizens ti La Trinidad a nabakunaan ita nga aldaw bayat nga inton July 28 ti second dose dagiti met senior citizens sadiay a mabakunaan inton bigat.
Kaggidan iti daytoy, aw-awisenda dagiti padada a senior citizens iti pananggundaway met dagitoy iti oportunidad a naited kadakuada a mabakunaan kontra iti COVID-19.
