Impasigurado ni Arnel Gabaig, manager ti maysa a bus iti siudad ti Baguio nga agtultuloy latta ti byahe dagitoy iti baet a mapaspasaran ti epekto ti bagyo a Leon.
Iti pannakiuman ti Bombo Radyo kenkuana, kinunana nga amin a ruta paturong iti Metro Manila, Olongopo ken dadduma pay ket available dagitoy.
Sigun kenkuana, nagnayon pay dagitoy iti unit tapno maakomodar dagiti paseheros nga agawid kadagiti bukodda a probinsya kagiddan ti All Souls Day ken All Saints Day inton bigat.
Kinunana nga adda metlaeng dagiti nakareserba a bus a mabalin a pagluganan dagiti agwalk-in a pasaheros.
Innayonna metlaeng nga agtultuloy ti panagmonitor dagiti pulis kadagiti bus terminals dagitoy tapno masigurado ti seguridad dagiti pasaheros.
Malaksid iti dayta, adda metlaeng dagiti surprise inpecstion kadagiti drivers dagitoy tapno maliklikan ti aniaman nga insidente.
Kabayatanna, nagpalagip met daytoy kadagiti pasaheros a liklikan nga agitugot kadagiti saan a napateg nga usar partikular dagiti maiparit nga agas, natatadem nga igam ken dadduma pay.
