BAGUIO CITY – Maiyap-apela ti panangipa-accredit dagiti accommodation establishment owners ditoy Baguio kadagiti pasdek dagitoy kagiddan ti agtultuloy a panagadu dagiti turista a sumangsangbay iti siudad.
Sigun kenni City Administrator Engr. Bonifacio Dela Peña, babaen iti daytoy ket maaddaanen dagiti nasao a pasdek iti bukodda a triage units.
Kinunana a makatulong ti nasao nga addang iti napartak a panaka-akomodar dagiti bisita a maipasidong iti triage.
Inyapelana ti nasao a banag kasaruno dagiti immuna a reklamo iti nabuntog a panaggaraw ti pila iti City Central Triage gapu iti kaado dagiti turista a maipasidong iti triaging ken iti kurang a bilang dagiti personnel.
Impettengna a dagiti metlaeng establishment owners ti agnumar iti daytoy nangruna ta libre wenno awan ti mabayadan iti daytoy.
Naamuan a dumanonen iti 12 a hotels iti baguio ti nagaplikar para iti nasao nga accreditation para iti bukod dagitoy a triage units.
