Maur-uray itan ti isasangpet dagiti automated counting machines a maaramat para iti pannakaipatungpal ti road show iti pagilian a Pilipinas.
Iti pannakiuman ti Bombo Radyo kenni Atty. John Paul Martin ti Election officer iti siudad ti Baguio, kinunana a posible a maiyuswat ti road show inton Disyembre agingga inton Enero inton sumaruno a tawen.
Manamnama met dagiti sangapulo ket uppat a makina a maipaay iti siudad ti Baguio ken kadagiti sangapulo ket tallo a munisipyo iti Benguet no sadino naituding a sag-maysa ti tunggal siudad ken tunggal munisipyo.
Sigun kenni Martin, ti road show ket maipatungpal kadagiti nagduduma a barangay, eskwelaan ken dadduma pay tapno maipakita kadagiti botante ti umno a panagaramat iti baro a makina.
Malaksid iti dayta, naituding met a maipatungpal ti mac election idiay Sagada, ken Bontoc, Mt.Province tapno masukimat ken mamonitor ti intensity capacities daytoy.
Kabayatanna, guyguyuguyen pay ni Atty. Martin a makipaset ti publiko iti kanito nga adda dagiti road show nga ipatungpal dagitoy tapno maipaayan dagitoy iti pannakaammo seknan iti pannakaaramat ti baro a makina.
