![](https://img.bomboradyo.com/baguio/2021/07/baguio-city-parking-area.jpg)
BAGUIO CITY – Isingsingasing ti City Engineering Office (CEO) ti panakabigbig wenno panakadutok ti kanayonan nga street parking areas kadagiti nagduduma a kalsada ditoy Baguio City.
Sigun ken CEO Engr. Junario Borillo, kasapulan ti 5,000 agingga 10,000 a parking slots tapno maakomodar dagiti umad-ado a bilang dagiti lugan nga agturturong ditoy siudad.
Dinakamatna a kurang dagiti 318 slots a nakalukat iti agdama ken dagiti 2,300 slots a masarakan kadagiti establishimento.
Impettengna a dakkel a tulong iti panakaimaton ti trapiko no manayonan dagiti pagparadaan iti 229 slots.
Innayonna nga apaman a maaramid dagiti kanayonan a parking slots ket maipaayan ti tulong dagiti 50 nga indibidual babaen iti panagserbi dagitoy kas parking attendant.
Impanamnama pay ni Engr. Borillo a saan a malabsing ti anti-road obstruction order gaputa mangbukelda ti Implementing Rules and Regulation tapno maliklikan ti panakalabsing ti linteg-trapiko.