--Ads--
BAGUIO CITY – Nadiskobre ti innem a pidaso ti marijuana bricks nga agdagsen iti 6,000 a gramo ken aggatad iti P720-K a naabandona iti kalsada iti depaar ti Sitio Spring, Liwan West, Rizal, Kalinga idi kalman.
Naduktalan iti imbestigasion dagiti otoridad a maibiyahe koma sadiay Cagayan dagiti nadakamat a kontrabando babaen iti saan paylaeng a nabigbig lalaki.
Kabayatan met ti panagpatrolya dagiti pulis iti nasao a lugar, nadiskobreda ti maysa a violet a backpack iti kalsada ket ditoy a kinumpirmarda ti linaon daytoy a kontrabando.
