BAGUIO CITY – Agtultuloy ti direct pay-out ti Department of Social Welfare and Development (DSWD) – Cordillera iti panakaiwaras ti maikadua a dupag ti Social Amelioration Program (SAP) kadagiti naisubli wenno nai-refund manipod kadagiti unsuccessful transfer ti financial provider.
Sigun kenni DWSD-Cordillera Regional Director Leo Quintilla, ar-aramidenda ti amin a kapartakan a pamay-an tapnu maiwarasdan ti SAP.
Inlawlawagna a nagpresenta dagitoy kadagiti financial provider nga irefundda amin dagiti unsuccessful transfer iti opisina dagitoy tapnu makadesisyon ken maischedule dagati benepisaryo.
Immunan nga naireklamo ti ahensia kalpasan ti panakaaramat iti go cashless tapnu maipaay ti SAP kadagiti benepisaryo.
Naamoan a babaen iti daytoy ket marigatan dagiti awanan iti android phone kangrunaan dagiti persons with disability ken dadduma pay a saan nga maka-ammo a mangaramat iti daytoy.
Nupay kasta, apaman a makaawat dagitoy iti notice of refund ket irequestda a dagus daytoy ti pay-out iti tunggal barangay.
Ginuyugoyna metlang dagiti addaan iti kapada a pakaseknan tapnu aguturong iti opisina dagitoy tapnu maberipika no naisubli wenno nai-refund ti maawat dagitoy.
