--Ads--
BAGUIO CITY – Kidkiddawen ti maysa a transport group ti panakanayon dagiti taxi units nga agbibiahe sadiay La Trinidad, Benguet.
Iti interview ti Bombo Radyo Baguio, kinuna ni Mayor Romeo Salda a naawatna ti surat manipud iti Highlanders Transportation Group a mangkidkiddaw iti kanayonan a 50 a yunit ti taxi nga agbiahe iti masakupanna a munisipyo.
Nupay kasta, kinunana a talantanen pay ti Sangguniang Bayan ti nasao a kiddaw tapno mangngegan ti benneg dagiti dadduma nga opisyales.
Inlawlawagna a nasken nga adalenda a nalaing ken ikonsultada iti LTFRB sakbay a madesisyonan daytoy tapno maidalan iti umno a proseso.
