BAGUIO CITY – Naipila iti city council ti panakaipawil ti trade fair iti Malcom Square People’s park wenno ti sigud a People’s park iti Baguio City.
Sigun kenni Councilor Isabelo “Popo” Cosalan, manarimaan iti panakatalantan daytoy iti city council ken manamnama a maipasa iti maika-dua a panakaibasana kalpasan ti public consultation.
Kinunana a matingtingiting ita ti pagalagadan iti panag-operate wenno pakaimanehar ti Malcolm Square People’s park.
Inlawlawagna nga iti paset laeng ti parke wenno ti Malcolm Square area ti sakupen iti ordinansa nu sadino saan a karaman ti daduma pay nga areas iti Brgy. Malcom Square.
Impettengna nga napanunotda nga inpasa daytoy gapu kadagiti naawatda a reklamo manipod kadagiti umili.
Innayonna a masapul a maiserbi ti panggep dagiti parke nga agbalin kas open space saan a paka-angayan dagiti trade fair ken daduma nga aktibidad.
Malaksid iti dayta, dinakamatna a maipalubos met ti trade fair kadagiti Micro, small and medium enterprises (MSMEs) ngem agpaut laeng oti maysa nga aldaw ken saan nga agbayag iti makalawas wenno makabulan.//Raz Pagoli
