Saan pay a nakasagana ti Baguio City para iti maisingsingasing a panakaipwesto dagiti kable iti underground.
Iti panakiuman ti Bombo Radyo kenni Engr. Bonifacio Dela Peña, City Administrator ti Baguio,masapol a maisimpa nga umuna dagiti sewer lines sakbay a maipwesto iti underground dagiti kable ti kuryente rason a saan pay a posible daytoy iti agdama.
Mainaig iti dayta, dinakamat ni Engr. Dela Peña a manarimaan ti rehabilitation dagiti kameng ti Benguet Electric Cooperative(BENECO) kadagiti linya ti kuryente partikular iti Central Business District.
Innayon ti opisyal a dagiti kable nga inmuntar dagiti sumagmamano a telecommunication companies ti kadawyan a nagulo.
Nupay kasta, ipalpalagip latta ni Engr. Dela Peña kadagiti residente ti panangipatulod dagitoy kadagiti ladawan dagiti nakauy-oy a kable tapno maaksyunan a dagus dagiti maseknan a grupo ti indibidwal.
Immuna metten nga imbinglay ni Darryl Kim Longid manipod Public Order and Safety Division(POSD) a regular ti panangisimpa dagitoy kadagiti nagduduma a kable a nakauy-oy iti nagduduma a paset ti siudad.//Bombo Rob Dominguez
