--Ads--
Kidkiddawen ti grupo dagiti mannalon ken mangngalap ti panakairamanda iti mabukel a crisis committee nga immunan a naipakaammo nga agserbi a tulong para iti panakaimanihar dagiti epekto nga itunda ti tension idiay Middle East.
Patien ti maysa a grupo a napateg a mairamanda iti komite gaputa a dagitoy ti agpapataud kadagiti produkto.
Impettengda a kasapulan a mangngegan met ti boses dagiti food producers, mannalon ken dagiti mangngalap.
Innayonda nga agbalin a “fundamentally incomplete” ti mabukel a komite nu awan ti partisipasyonda iti daytoy ken posible a mangitunda laeng iti panakaaramid dagiti polisiya a saan a maitunos iti pudno a mapaspasamak.
