Panakairikep ti Lake Drive kadagiti motorista para iti rehabilitasyon daytoy, maad-adal

BAGUIO CITY – Ad-adalen ita ti technical working group ti singasing mainaig iti panakairikep ti Lake Drive kadagiti motorista para iti rehabilitasyon daytoy.

Iti panakiyuman ti Bombo Radyo kenni Councilor Mylene Yaranon, dadaulo ti Committee on Public Works iti City Council, kinunana a daytoy ket plano paylaeng.

Kinunana a ti singasing ket karaman iti traffic and transportation development plan para iti siudad ti Baguio.

Innayonna pay nga iti kanito a mairikep kadagiti motorista ti Lake Drive ket adda ti sabali a kalsada a mabalin a pagdalyasatan dagitoy.