BAGUIO CITY – Umap-apela ni Mayor Benjamin Magalong kadagiti nagduduma a retailers ditoy Baguio ti panangisayangkatda iti kanayonan a rolling stores wenno rolling markets iti nagduduma a babbarangay ti siudad.
Inaramidna ti panag-apela iti naangay a post assessment meeting ti dua a kaleppas a rolling markets sadiay Bayan Park ken Loakan idi napalabas a lawas.
Maipalagip a maisaysayangkat ti rolling stores ken ti Kadiwa ni Ani at Kita On Wheels tapnu maidanun kadagiti residente dagiti kangrunaan a gagatangen tapnu maliklikanen ti panagturong dagitoy iti sentro ti siudad, nangruna kadagiti paglakuan tapnu masurot ti social distancing ken maliklikan ti panagurnong dagiti tattao.
Kabayatanna, sumaruno a maisayangkat ti rolling markets inton bigat, April 10 sadiay Scout Barrio, inton April 11 sadiay Bayan Park, inton April 14 sadiay Camp 8 ken inton April 15 sadiay Loakan.
