BAGUIO CITY – Maibalballaag ti panakawaswas ti safety seal certificate dagiti establishimento ditoy Baguio City a saan a sumursurot iti pannakipatungpal dagiti paganurutan ti minimum public health standards (MPHS) kabayatan ti operasyon dagitoy.
Iti interview ti Bombo Radyo Baguio kenni Atty. Althea Alberto, Executive Assistant ti City Mayor’s Office, kinunana a naobserbaran nga ado dagiti establishimento a saan a nangipatungpal iti minimum operating capacity kasta met ti social distancing kabayatan ti holidays.
Kinunana a mangipatungpalda iti inspeksyon kadagiti establishimento tapnu maduktalan dagiti aglablabsing iti pagaladan ti gobierno.
Inayonna met nga agtultuloy a masurot ti saan a panag-akseptar dagiti establishimenot kadagiti saan a nabakunaan nga costumers.
Inaklonna met a saan unay a nainget a maipatpatungpal daytoy nangrunata agtultuloy nga vaccination program ti siudad.
Guyuguyuguyenna pay ti panagbakuna dagiti saan pay a nabakunaan nga umili ti siudad ken imbinglayna nga agsagsagana metlang dagitoy iti panagbakuna dagiti agtawen iti 5 agingga 11.
