Kinondenar ni sigud a president Rodrigo Duterte ti wagas ti panakaiserbi ti warrant of arrest kenni Kingdom of Jesus Christ Pastor Apollo Quiboloy a sigun kenkuana ket “excessive” ken “unnecessary force”.
Sigun kenni Duterte, ti panakapasamak ti insidente iti place of worship ken pagadalan ket nalawag a saan a katanggap-tanggap.
Kagiddan dayta, kwinestyunaran pay ni Duterte ti agdama nga administrasyon seknan iti panangsigurado daytoy iti preserbasyon kadagiti constitutional rights dagiti Pilipino nu sadino, dinakamatna nga uray dagiti kapapatgan kadagitoy ket sipapanayag a nalabsing.
Maipalagip a sumagsango ni Pastor Quiboloy ti kaso iti panaglabsing iti sumagmano a paset ti Republic Act 7610 wenno ti Special Protection of Children Against Abuse, Exploitation, and Discrimination Act.
Saan met a nagballigi dagiti kameng ti pulisya pakairamanan ti Special Action Force (SAF) ken ti Criminal Investigation and Detection Group (CIDG) nga arestaren ni Quiboloy bayat ti impatungpal dagitoy a raid kadagiti sumagmamano a sanikua ti nasao a pastor.
