BAGUIO CITY – Makikokoordinar ita iti liga dagiti asosasyon iti La Trinidad Vegetable Trading Post dagiti nagduduma nga organizers dagiti community pantries iti lokalidad ken sadiay Metro Manila.
Iti interview ti Bombo Radyo Baguio kenni Agot Balanoy, panakabagi ti nasao a liga, imbinglayna nga idi kalman ket innem nga organizers ti community pantries iti Baguio City ken Metro Manila ti nakasaritana seknan iti posible a panagdonarda iti nateng kadagitoy.
Sigun kenkuana, sakbay pay dagiti community pantries ket siguden a mangidondonarda iti nateng, nangruna dagiti saan a magatang kadagiti simbaan gaputa dagitoy ti nakasagana a mangiwaras kadagiti tattao.
Innayonna pay a nakasaritan metten ti Department of Agriculture seknan iti mailukat a community pantry a para kadagiti talaga nga agkasapulan unay.
