--Ads--
BAGUIO CITY- Ikalkalikagum ti lokal a gobyerno ti Kapangan, Benguet ti negatibo nga RT-PCR test result wenno vaccination card kadagiti returning residents, returning Filipino workers ken dagiti non-residents a sumrek sadiay.
Sigun kenni Vice Mayor Mayo Eslay, paset daytoy ti panagridamda kontra iti mapagbutbutngan a Delta variant ti COVID-19.
Kinunana nga inadaptar ken in-localize dagitoy dagiti pagalagadan nga impaulog ti Provincial IATF idi laeng nabiit mainaig iti panagsagana ti probinsia kontra iti pangta ti Delta variant.
Innayonna a ti laeng valid nga ID ti kasapulan nga iparang dagiti umili no sumrekda iti inter-municipality no dagitoy ket saan a fully vaccinated.
