Maysa a karit para iti Philippine Embassy idiay Israel ti panangiyawid iti pagilian a Pilipinas iti bangkay ti pimmusay a Filipina caregiver idiay Israel a ni Mary Ann Velasquez de Vera.
Sigun kenni Philippine Ambassador to Israel Aileen Mendiola, iti agdama, imposible pay laeng ti pannakaiyawid ti bangkay ti nasao a Filipina caregiver gapu ta nakasara dagiti operasyon kadagiti eropuerto ken land crossing sadiay.
Nupay kasta, inlawlawagna a mannarimaan ti panagtalantan iti nasao nga embahada nu kasatno a maiyawid ti nasao a bangkay iti pagilian kadua ti asawa daytoy a maysa metlaeng nga OFW manipud Israel ken ti kabsat ni de Vera nga adda idiay Qatar.
Immunan a kinumpirmar ni President Ferdinand Marcos ti ipupusay ti nasao a Filipino worker idi kalman. Sigun kenkuana, natamaan daytoy iti shrapnel dagiti missile bombs bayat iti panagurongda iti bomb shelter kadua ti amo na. //BomboKCS
