Impaganetget ni United States President Donald Trump a kasapulan pay nga aprobaranna ti sumaruno a supreme leader ti Iran sakbay a pormal daytoy nga agidaulo.
Sigun kenkuana, nu saan dagitoy nga agtulnog, posible a saan nga agbayag ti pilienda a sumaruno a lider.
Innayonna a daytoy ket tapno masigurado a saanen a makabukel ti Iran ti nuclear weapon.
Sigun gamin kenni Trump, adda ti plano ti Iran a kontrolen ti sibubukel a Middle East- banag a sigun kenkuana, nalapdanda babaen iti panangatakeda iti nasao a pagilian.
Impannakel pay ti nasao a presidente ti panangdadaelda iti navy, air force, ken communication system ti Iran.
Nu maipanggep met iti panagngato ti presyo dagiti produkto a petrolyo, inawagan daytoy ni Trump a “little glitch” laeng. //BomboKarenSapirao
