Pimmusay ti uppat a pulo ket tallo a Palestinians idiay Gaza Strip kalpasan ti panagatake ti Israel idi kalman agraman ti sangapulo ket maysa a tattao iti maysa a kampo ti tolda a pagkamkamangan dagiti naiyakar a pamilia.
Ti 11 ket pakairamanan ti babbai ken ubbing idiay Al-Mawasi district, a naituding kas humanitarian zone para kadagiti sibilian idi nasapsapa a paset ti gubat iti nagbaetan ti Israel ken ti agturturay a militante a grupo ti Hamas ti Gaza, nga itan ket maika-15 a bulanna.
Sigun iti maysa a report, karaman pay kadagiti pimmusay iti panangraut ket ti director general ti police department ti Gaza a ni Mahmoud Salah ken ti katulunganna a ni Hussam Shahwan.
Kabayatanna, impaganetget ti pannakangiwat ti Israeli military a sinurotna ti international law iti panangisayangkatda iti gubat idiay Gaza ken inaramidda dagiti rumbeng a maaramid tapno mapabassit ti pannakadangran dagiti sibilian.
