Agtultuloy ti panangsarak dagiti otoridad iti mapukpukaw a menor de edad a ni Sophia idiay Sagada, Mountain Province.
Kabayatan iti panagsagana dagiti rescue team, naisayangkat ti maysa a ritual idiay Municipal Ato nga indauloan ni Indigenous Peoples Mandatory Representative (IPMR) George Luis “Changat” Fakat.
Ti nasao a ritwal ket para iti proteksyon dagiti rescue team ken natalged a pannakasarak iti biktima a ni Sophia.
Karaman kadagiti karaman iti nasao nga operasyon ket ti Bontoc Team, 2nd Police Mobile Force Company of Mountain Province, Bureau of Fire Protection, tour guides, kapulisan, ken dadduma pay a volunteers.
Rinugianda ti nagbirok iti paset ti Atey Bridge idiay Demang, Sagada paturong kadagiti waterways.
Adda metlaeng ti nagpokus kadagiti babasit a kuweba a pagay-ayusan ti danum. Nagaramat meten dagitoy kadagiti water pumps tapno makisayan ti lebel ti danum kadagiti kuweba para iti naparpartak a search operation.
Agtultuloy met a mangnamnama dagiti otoridad iti pannakasarak ti menor de edad a babae.
Immuna metten a nagturong ti rescue dog a ni Zuma kaduana ti amona a ni Brett K. Mitchell tapno tumulong iti nasao nga operasyon. //bombokaren.c.sapirao
