--Ads--
BAGUIO CITY – Supsuportaran ti Caretaker Congressman ti probinsia ti Benguet a ni ACT-CIS representative Eric Go Yap ti panggep a panakagudua ti probinsia iti dua a distrito.
Kinunana a para daytoy iti napartak a panakaipaay ti tulong kadagiti umili ti Benguet.
Impanamnamana nga ituloyna ti plano daydi sigud a Congressman Nestor Fongwan Sr seknan iti panagbalin a dua ti congressional district ti probinsia.
Mamati pay ni Yap a no maaprobaran ti panggep ket maaywanan a naimbag ti dua a distrito ti Benguet.
Inyunay-unayna nga iti kanito a manayunan dagiti opisyal ti probinsia ket matutukan dagiti pakaseknan ti dua a distrito.
