BAGUIO CITY- Naibilin iti City Veterinary and Agriculture Office (CVAO), City Buildings and Architecture Office, ken ti City Planning and Development Office ti panangputarda iti plan ken disenyo ti maisaksakad nga livestock market ti Baguio City.
Sigun kenni CVAO Head Dr. Silardo Bested, ti plano a livestock market ti siudad ket maipasdek iti masya nga lote sadiay Marcos Highway nga impaay ti Department of Agriculture iti lokal a gobierno ti siudad.
Inlawlawagna a dagiti mailaklako nga iti Block 4 ti merkado publiko dagiti live chickens wenno manok bayat a dagiti baboy, kalding ken dadduma pay nga ayup iti Slaugtherhouse ken Lakandula area ket maiyakar iti mapagpanggep a livestock market.
Kinunana a manamnama a makompleto ti plano ken disenyo, karaman pay ti bilang dagiti stalls a maimuntar iti las-ud ti maysa a bulan.
Inayonna met nga adda ti maipatungpal a public consultations kadagiti stakeholders tapnu maala ti opinyon dagitoy a mabalin a makatulong iti panakabukel ti plano iti maisaksakad a proyekto. CGD
