Isaksakad ti sumagmamano nga ahensiya ti gobierno iti siudad ti Baguio pannakaipangato iti garbage fee iti siudad.
Kasaruno daytoy iti panagngato dagiti baybayadan ti gobierno para iti pannakaipatulod dagiti basura iti facility sadiay Tarlac.
Sigun kenni Councilor Rocky Aliping, presidente iti association of barangay councils iti Baguio association, dumanon iti baente pesos ti bayad ti basura a makol-kolektar kadagiti household sipud idi tawen 2020.
Innayon pay ni Aliping a dumanon iti P30 Million angingga P40 million laeng ti makol-kolektar dagitoy a bayad iti basura no sadino, saan nga umdas a mangsupusop iti P200 Million a gastos dagitoy para iti management operation iti solid waste ti siudad.
Gapu iti dayta, mapampanggep a dumanon iti P100 ti bayad dagiti basura nga agtaod kadagiti households bayat a dagiti commercial ken business establishments ket posible a ngumato pay daytoy.
Kabayatanna, namnamaen ti nasao nga opisial a ti panagngato ti garbage fee ket maysa a wagas tapno ad-adda a madisiplinan ti tumunggal umili kadagiti barangay iti siudad.//Bombo Novy Organo
