Naituding a pagtalantanan ti Commission on Elections (Comelec) inton umay a lawas ti singasing a pannakaipawil ti panagaramat ti artificial intelligence (AI) ken maaw-awagan a “deepfakes” para iti 2025 elections.
Sigun kenni Comelec chairperson George Garcia, manamnama a patalantananda daytoy inton Miyerkules kadua dagiti nagduduma nga organisasion ken indibidual.
Immunan nga insingingasing ni Garcia iti Comelec en banc nga ipawilda dagiti kandidato nga agaramat ti AI technology ken “deepfakes” iti panagkampanya dagitoy.
Inlawlawag ti nasao nga opisial a saan amin nga AI ket saan a nasayaat nu diket, maar-aramat nu dadduma ti AI iti “disinformation” maibusor kadagiti kalabanda.
Itay laeng nabiit, imbilin ti Kongreso nga agaramid ti nasao nga ahensia ti “poll body” tapno mang-regulate kadagiti social media posts iti kandidato bayat ti panagkampanya tapno maliklikan ti “disinformation”.
