BAGUIO CITY – Matutukan iti 19th Congress ti pannakaisakad ti Baguio-La Trinidad-Itogon-Sablan-Tuba-Tublay (BLISTT) development authority.
Iti interview ti Bombo Radyo Baguio ken Baguio City re-elect Congressman Mark Go, kinunana a nalidem a maipasa ti singasing mainaig iti nasao a development authority iti 18th congress gapu iti kinakurang ti panawen.
Nupay kasta, inpanamnamana iti pannakaipangruna ti pannakaipasa daytoy kagiddan iti panangituloyna iti terminona iti kongreso nangruna ta mamati daytoy a makaawat ti suporta ti nasao a development authority
![](https://img.bomboradyo.com/baguio/2022/05/48360804_2161505550623448_131286614683942912_n.jpg)
Inlawlawagna a babaen iti daytoy ket mabukel ti authority a mangsuporta kadagiti programa a mangpadur as iti maysa kadagiti lugar iti BLISTT nangruna iti sektor ti turismo, agrikultura, responsable a panagmisan, edukasyon, teknolohiya, sanitas, serbisyo iti salun at ken retirement ken dadduma pay
Kabayatanna, imbinsana a maysa kadagiti panggepna a maaprobaran iti kongreso iti pannakapalawa ti Universal Access to Tertiary Education
Inlawlawagna a babaen iti nasao a programa ket libre ti tuition ken miscellanious dagiti studyante iti kolehiyo partikular kadagiti 114 a State Universities and Collages
Nupay kasta, kinunana a panggepda pay nga idanon ti nasao a programa kadagiti studyante kadagiti studyante kadagiti pribado a pagadalan
Malaksid iti dayta, manayunan ti bilang dagiti kurso a sakupen ti nasao a programa tapnu ad-adda a manayunan ti bilang dagiti studyante a matulonganda a manggun od kadagiti arapaapda.
Iti baet ti dayta, inlawlawagna a maipangruna iti daytoy a programa dagiti studyante nga agtaod kadagit ‘low income families’; dagiti maikari ken desido a makaturpos nga studyante nga agparparikot ti gastos iti pannagadalda.