Saan paylaeng a maisubli ti Pilipinas ni sigud a Negros Oriental Representative Arnolfo “Arnie” Teves Jr. gaputa maur-uray paylaeng ti pannakarisut ti kiddawna a political asylum iti Timor-Leste.
Daytoy ti kinuna ti abogado ni Teves Jr. a ni Atty. Ferdinand Topacio ita nga aldaw.
Sigun kenni Topacio, manarimaan paylaeng ti panangiproseso ti aplikasion dagitoy para iti political asylum.
Inaramid ni Topacio ti statement kas sungbat iti panangipablaak ti Department of Justice a pinatganen ti Timor-Leste ti kiddaw ti Pilipinas nga “extradition” kenni Teves, a sumangsango iti kaso a “murder” gapu iti panangpapatayna kenni sigud a Negros Oriental governor Roel Degamo.
Inlawlawag pay ti nasao nga abogado a ti “grant” para iti request ti ti Pilipinas nga “extradition” ket apela paylaeng.
Kabayatanna, kinuna ni Justice Secretary Jesus Crispin Remulla a saanen a maliklikan ni Teves Jr dagiti kasona apaman a maisubli daytoy iti Pilipinas.
Para met kenni DOJ spokesperson ken Assistant Secretary Jose Dominic Clavano IV, magagaran daytoy ti isasangpet ni Teves Jr tapno sanguenna ti kaso a maibusor kenkuana iti korte.
