Balligi a naipatungpal ti umuna nga aldaw ti Automated Counting Machine Simultaneous Nationwide Roadshow iti Baguio City Police Office, Kapanalig hall idi kalman.
Daytoy ket nakipasetan dagiti station commanders ti Baguio City Police Office nga idadauluan ni City Director PCol Ruel Tagel, COMELEC-CAR Regional Director Atty. Julius Torres, Asst. Regional Director Atty. Vanessa Roncal, DILG-Baguio City Director Milicent Cariño, dagiti kameng ti COMELEC-Baguio nga idadauluan ni Election Officer Atty. John Paul Martin ken dadduma pay
Naisayangkat ti mock ballot voting tapno makita nu kasanu a guman-gana ti machine.
Sigun kenni Atty Julius Torres, Regional Election Director ti Commission on Election Cordillera, kinunana a maysa kadagiti feature ti baru a machine ket ti kinapartak a maaramat daytoy nu sadino kasapulan laengen ti keycard tapno ma-start ken maaramat daytoy.
Malaksid iti dayta, dakdakkel ti screen ti machine nu sadino maipakita iti uneg ti 15 segundo ti balota nga inserrek ti botante tapno maberipikar nga usto dagiti nabasa ti machine nga inbutos ti maysa a botante kasta met a mangiruar daytoy iti resibo.
Adda met laeng ti privacy screen ti machine tapno saan a makita ti sabali ti maiparang a kopya ti balota ti maysa a botante.
Naparpatak metten ti proseso daytoy nu sadino iti uneg ti 40 segundo ket mabasa ken maisave dagiti impormasyon manipod iti balota.
