Mapagparparikutan ti kinakurang dagiti pasilidad ken manpower a mang-akomodar kadagiti indibidual nga agsagsagaba ti mental health problem iti pagilian.
Iti interview ti Bombo Radyo kenni Ricky Ducas, maysa a mental, ngumatngato ti bilang dagiti indibidual nga umas-asideg iti opisinada ngem saan a kompleto ti resources dagitoy a mangtulong kadakuada.
Gapu iti daytoy, kidkiddawen ni Ducas ti tulong ti gobyerno ken pribado a sektor a naayat a mangipaay ti tulong tapno maasistaran a nalaing dagiti indibidual nga agsagsagaba ti mental health problem.
Sigun kenkuana, nangrugin ti mental health caravan ti Department of Health (DOH) sadiay Mt. Province bayat a manamnama a mapasamak ti awareness seminars kadagiti medical doctors wenno allied health professionals inton Disyembre 12 ken Disyembre 13 iti agdama a tawen.
Nagballaag met ti opisyal iti publiko a ragsaken ti umadanin a paskua tapno mailiklikan iti pressure ken depression bayat ti holiday season.//Wilmea Pacpacan
