BAGUIO CITY – Nainget a konkondinaren dagiti opisyales ti Baguio City iti agtultuloy nga smuggling kadagiti highland vegetables iti pagilian a direkta a mang ap-apektar iti panagdur as ti sektor ti agrikultura ti rehiyon Cordillera
Babaen iti maysa a resolusyon, impeksa dagiti miembro ti lokal a konseho ti siudad nga iti agtultuloy nga smuggling kadagiti natnateng ket in inot a mangpatay iti produksyon kadagiti local vegetables nangruna iti carrots ken ad-adda a mangparigat iti panagbyag dagiti local farmers
Gapu iti dayta, immapela ti lokal a konseho iti Bureau of Customs (BOC) ken Department of Agriculture (DA) tapnu mangipaay iti permanente a solution iti parikot ti smuggling kadagiti nateng a mailaklako kadagiti nagduduma a merkado sadiay Metro Manila a mang ap-apektar iti pannakailako dagiti nateng agtataod ditoy lokalidad
Mainaig iti dayta, namingsan manen nga impeksa ken binabalaw ti League of Associations iti La Trinidad Vegetable Trading Areas ti kinaawan aksyon dagiti Benguet local officials kontra iti agricultural smuggling.
Iti panagsarita ni League Public relations Officer Agot Balanoy, binnabalawna ti maatap a kinaawan aksion dagiti opisyales ti Benguet seknan iti nasao nga isyu.
Kinunana a saanda nga ammo nu pudno nga adda ti impila ti maysa nga opisyal a resolusyon iti kongreso mainaig iti daytoy a kas iti naikari agsipod ta awan met ti naaw-awatda nga imbistasyon para iti imbistigasyon.
Impettengna a ti Senado laeng iti mangipatpatungpal iti imbistigasyon.
