Imbalakad ti Korte Suprema iti Philippine Health Insurance Corporation (PhilHealth) a nasken nga agannad iti panagusar ti pondo para iti sueldo dagiti empleado ti nasao nga ahensia.
Sigun iti Korte Suprema, mandato ti PhilHealth a maipasigurado ti kaadda ti pondo a mangipaay kadagiti amin a Pilipino.
Kasaruno ti panangiruar ti 16 a panid a desision a panagsuporta iti notice of disallowance (NDs) nga inruar dagiti state auditors iti panangipaay ti PhilHealth iti baro nga allowance para kadagiti empleado ti nasao nga ahensia nga agarup P43 milion nu sadinno, saan nga immanamong ni sigud a President Gloria Macapagal-Arroyo idi 2010 .
Pinaglibakan ti Korte ti petision nga impila ti PhilHealth a mangikagkagumaan a mangisina iti desision ti COA.
Iti petision iti Korte Suprema, kinuna ti PhilHealth a napatgan ti “fiscal independence” iti sidong ti Republic Act 7875 wenno ti National Health Insurance Act of 1995.
Iti agdama, awan pay ti komento ti Philhealth iti nasao a banag.
