Impetteng ti kampo ni Senator Ronald “Bato” Dela Rosa a saan daytoy a “fugitive from justice” wenno pugante kas sungbat iti immunan nga inwaragawag ti Office of the Solicitor General (OSG) seknan iti warrant of arrest nga inpaulog ti International Criminal Court (ICC) kontra iti senador.
Iti insumitir ti kampo ti senador a komento iti Korte Suprema, inlawlawag ti abogado ni Senator Dela Rosa nga adda ti senador iti uneg ti pagilian ken saan daytoy nga aglemlemmeng manipud kadagiti otoridad ti Pilipinas.
Kweskwestionaran pay ti nasao a kampo ti hurisdiksyon ti International Criminal Court ken ti legalidad ti panangipatungpal daytoy iti pagilian a Pilipinas, pakairamanan ti arrest warrant kontra kenni Senator Dela Rosa.
Gapu iti daytoy, impettengda a bayat a saan paylaeng a napagtatalantanan dagiti nasao nga isyu, saan pay laeng a maikonsidera a pugante ti nasao a senador.
Malaksid iti dayta, impetteng ti legal team ni Sen. Bato nga awan ti anyaman a lokal wenno Philippine-issued warrant kontra kenkuana isu’t gapuna nga awan ti legal obligation ti senador tapno sumuko.
Maipalagip nga immikat ni Senator Dela Rosa iti Senado parbangon ti Mayo 14 kalpasan iti napasamak a tensyon iti uneg ti senate building iti Mayo 13.
Matatandaang umalis si Dela Rosa sa Senado noong madaling araw ng Mayo 14 matapos ang insidente ng pamamaril sa Senado noong gabi ng Mayo 13.
Iti baet dayta, agtultuloy a kidkiddawen ti kampo ni Sen. Dela Rosa iti Korte Suprema ti panangiparuwar ti temporary restraining order (TRO) ken daddum pay nga injunction tapno malapdan ti panangipatungpal ti International Criminal Court (ICC) warrant.//bombokaren.c.s
