Kumpiyansa ti Philipine National Police (PNP) a makemmegda ni Pastor Apollo Quiboloy.
Daytoy ket iti laksid ti dua a saan a nagballigi a panangipaayda iti arrest warrant kenni Quiboloy ngem mamati dagiti otoridad nga aglemlemmeng daytoy iti Kingdom of Jesus Christ (KOJC) compound sadiay Davao City.
Sigun kenni Police Brigadier General Nicolas Torree III, ammoda ti paglemlemengan ni Quiboloy ngem ti karit ket nu kasano dagitoy a makastrek rason a nagbalin a nailet ti panagbantayda kadagiti posible a rumuaren daytoy.
Maipalagip a nangipatungpal dagiti otoridad iti “manhunt” kenni Quiboloy iti Kingdom of Jesus Christ (KOJC) compound nga asideg ti Davao’s Francisco Bangoy International Airport gapu kadagiti ado a kaso a sangsangoenna.
Nu pay kasta, iti laksid a naideploy ti 2-K a pulis, saanda pay a nakita ni Quiboloy.
Kabayatanna, impeksa ni Torre a nu panggep ti publiko ti hustisya para kenni Quiboloy, rumbeng nga iti korte ti umasidegan dagitoy.
