Nagpinnirma ti memorandum of understanding (MOU) wenno katulagan ti Pilipinas ken United Arab Emirates (UAE) tapno makitinnulong iti renewable ken nuclear energy ken dadduma pay, nga addaan iti implementation agreement a naikeddeng a mapirmaan iti maysa a UAE state-owned company inton Enero 2025.
Sigun iti Department of Energy (DOE), ti katulagan ket panagtitinnulong ti dua a pagiliaan a pasayaaten ti renewable energy; liquefied natural gas kas maysa a transition fuel; ken dadduma pay.
Karaman ti MOU kadagiti kangrunaan a napagnunumuan kabayatan ti working visit ni President Ferdinand “Bongbong” Marcos Jr. iti UAE itay napalabas a bulan, a nakipagkita ken ni President Mohamed bin Zayed Al Nahyan.
Napagsasaritaan pay da President Marcos Jr. ken ni UAE Minister of Energy and Infrastructure Suhail Mohamed Faraj Al Mazrouel dagti termino iti katulagan ken natalantanda pay ti negisio ken panangitandudo ti Pilipinas kas kangrunaan a destinasion para kadagiti Emirate investments.
Maipalagip a kinuna ni Energy Secretary Raphael Lotilla idi Oktubre a kasapulan ti Pilipinas ti $500 billion a gatad ti investments tapno maragpat ti panagbaliw ti clean energy.
